Gəncə şəhərində mövsümi gül əkini kampaniyası davam edir. Bu haqda 4 iyul tarixində MKTİB-yə istinadən xəbər veririk.
Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən mövsümi gül əkilir. Aksiya Gəncəçay Park-Bulvar Kompleksinin Bayraq meydanında, Şah İsmayıl Xətai prospektində yerləşən dairədə, Mirzə Şəfi Vazeh parkında və şəhərin digər yaşıllıq ərazilərində təşkil edilib. Sözügedən ərazilərdə MKTİB-nin gülçülük və tingçilik təsərrüfatında yerli mütəxəssislər tərəfindən yetişdirilən beqonya gülləri əkilib.
Gül əkininə MKTİB-nin əməkdaşları və texnikası cəlb edilib. Yay fəslinin gəlişi ilə əlaqədar olaraq, qurum şəhərin park və xiyabanlarına, küçə və prospektlərinə mövsümi güllərin əkinini artıq bir müddətdir ki, davam etdirir. Bir neçə gün öncə isə Cavad xan küçəsi də analoji güllərlə bəzədilib. Aksiyaya qurumun əməkdaşları və müxtəlif təyinatlı texnikaları da cəlb edilib.
