Gəncədə təmizlik aksiyası baş tutub.
Gencexeber.az Mənzil Kommunal Təsərrüfatı İstehsalat Birliyinə istinadən məlumat verir ki, iməcilik şəhərin prospekt və küçələrində, həmçinin parklarda aparılıb. Qurumun canlı qüvvəsi və texnikası Atatürk prospekti və ona paralel olan küçələrə cəlb olunub.
Sözügedən ərazilər məişət tullantılarından, alaq otlarından, daş, toz-torpaq və xəzəldən təmizlənib. Tullantılarının atılması üçün nəzərdə tutulan müxtəlif tutumlu konteynerlər və zibil qutularının ətrafında səliqə-sahman yaradılıb.
Bundan başqa, MKTİB-nin Ərazi Xidmət Sahələrinin əməkdaşları “Dəmiryolçular" parkı və Azərbaycan Xalq Cümhuriyyətinin qurucusu Məmməd Əmin Rəsulzadənin büstü ətrafında da təmizlik işləri görüblər. Burada mövcud yaşıllıq suvarılıb.
