Gəncədə növbəti maarifləndirici tədbir baş tutub. Bu haqda 12 oktyabr tarixində KOBİM-ə istinadən xəbər veririk.
"Rəqəmsallaşan dünyada kreativ sahibkarlıq" mövzusunda maarifləndirici təlim keçirilib. Tədbirdə KOBİM-in eksperti elektron ticarətin tarixi, bu sahəyə keçid, sosial media üzərindən satış və onun stimullaşdırılması barədə iştirakçıları maarifləndirib. Burada 14 nəfər iştirak edib.
Təlimdə, həmçinin biznes-plan, bazar araşdırması, satış və istehsal planı, maliyyələşmə, SWOT analiz və maliyyə mənbəyi ilə bağlı məlumatlar verilib. Sonda iştirakçıların sualları cavablandırılıb.
Qeyd edək ki, maarifləndirici təlim Kiçik və Orta Biznesin İnkişafı Mərkəzi tərəfindən keçirilib. Qurum tərəfindən göstərilən bütün xidmətlər ödənişsizdir.
