Gəncədə turizmlə bağlı tədbir keçirilib. Bu haqda 13 oktyabr tarixində Gəncə Regional Turizm İdarəsinə istinadən məlumat veririk.
Qərb regionunun turizm “Destinasiya İdarəetmə Planı”nın təqdimatı təşkil olunub. Tədbir Dövlət Turizm Agentliyi və BMT-nin İnkişaf Proqramı (UNDP) çərçivəsində icra olunan “Azərbaycanın Regionlarında Dayanıqlı Turizmin inkişafına dəstək” layihəsi çərçivəsində baş tutub. Burada Qərb bölgəsi üzrə potensial layihələrin müzakirəsi aparılıb.
Görüş zamanı iştirakçılara layihə və “Destinasiya İdarəetmə Planı” haqqında ətraflı məlumat verilib. Daha sonra dəyirmi masa formatında müzakirələr aparılıb, təklif və tövsiyələr toplanıb.
Gəncə və Şəmkirdə baş tutan tədbirdə DTA rəsmiləri, BMT İP layihə rəhbəri, destinasiya idarəetmə planı üzrə beynəlxalq və yerli ekspertlər, Gəncə və Mingəçevir RTİ-nin əməkdaşları, Gəncə, Naftalan və Mingəçevir şəhərləri, Göygöl, Şəmkir və Gədəbəy rayonlarının dövlət və özəl tərəfdaşları iştirak ediblər.
