Gəncədə piyadanı maşınla vurub öldürən sürücüyə hökm oxunub. Bu haqda 23 oktyabr tarixində Report-a istinadən məlumat veririk.
Hadisə bu ilin mart ayında baş verib. Samux rayon sakini Xəyal Yolçuyev "VAZ-2107" markalı avtomobillə yolu keçmək istəyən 21 yaşlı piyada Şəhriyar Məmmədovu vurub və nəticədə gənc aldığı xəsarətdən hadisə yerində ölüb.
Sürücü polis tərəfindən saxlanılıb. Ona qarşı Cinayət Məcəlləsinin 263-1.3 (Yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma, eyni əməllər ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham irəli sürülüb.
Gəncə Ağır Cinayətlər Məhkəməsinin qərarı ilə Yolçuyev 5 il müddətinə azadlıqdan məhrum edilib.
Qeyd edək kİ, dünyasını dəyişən piyada Vətən müharibəsinin iştirakçısı, sürücü isə Dəmir yolu Xətt Polis Şöbəsinin əməkdaşı idi.
