Gəncədə icra başçısının vətəndaşlarla görüşü baş tutub. Bu haqda 26 oktyabr tarixində İcra Hakimiyyətinə istinadən xəbər veririk.
Səyyar görüş 1 nömrəli tam orta məktəbdə keçirilib. Burada YAP Gəncə Şəhər Təşkilatının sədri Bayram Aslanov, İcra Hakimiyyəti Aparatının məsul əməkdaşları, bələdiyyə sədrləri, şəhərdə fəaliyyət göstərən idarə, müəssisə və təşkilat rəhbərləri də iştirak ediblər.
Görüşdə sakinlər onları narahat edən məsələləri səsləndiriblər. Müraciətlər arasında işlə təminat, müalicə, maddi köməklik və digər məsələlər üstünlük təşkil edib.
Şəhər rəhbəri vətəndaşların problemlərinin qısa zamanda aradan qaldırılması üçün müvafiq tapşırıqlar verib. Səsləndirilən məsələlərin bir çoxu yerindəcə həllini tapıb.
