Gəncədə kitabsevərlər üçün tədbir baş tutacaq. Bu haqda 25 aprel tarixində ArtLand-ə istinadən məlumat veririk.
“Mütaliənin sehri” adlı yığıncaq Dünya Kitab Günü və Gəncə Kitab Klubunun 10 illik yubileyi münasibətilə təşkil olunacaq. Tədbir 28 aprel tarixində 6-14 yaş arası uşaqlar üçün 15:00-da, 14 yaşdan yuxarı hər kəs üçün isə 16:00-da “ArtLand Ganja”da (Gəncə Dövlət Filarmoniyasının yanı, Urban mərkəzinin ikinci mərtəbəsində) keçiriləcək.
Burada kitabsevərlər, mütaliənin insan həyatındakı rolundan, kitab oxumağın faydalarından, oxuduqları kitablardan bəhs edəcəklər. Onlar öz təcrübələrini bir-biri ilə bölüşəcəklər. Daha sonra kitab sərgisinə baxış keçiriləcək.
Tədbirin sonunda kitab müzakirələrinə yenidən start veriləcək və növbəti görüş üçün kitab seçiləcək.
Yığıncağa hər kəs ödənişsiz olaraq qatıla bilər.
