Gəncədə Regional Təhsil İdarəsi Mülki müdafiə tədbirlərinin planlaşdırılması və həyata keçirilməsi, ehtimal olunan və ya baş vermiş fövqəladə hadisələrin qarşısının alınması və nəticələrinin aradan qaldırılması, ilkin qəza-xilasetmə işlərinin aparılmasını təmin etmək məqsədilə görüş keçirib. Bu haqda 29 may tarixində Regional Təhsil İdarəsinə istinadən xəbər veririk.
Görüşdə Anar Qədiməliyev, FHN-in Regional Mərkəzinin Mülki Müdafiə İdarəsinin rəis müavini Rauf Abbasov, GDRTİ-nin və Mülki Müdafiə İdarəsinin əməkdaşları iştirak ediblər. Burada baş verə biləcək fövqəladə hadisələrdən mühafizə üsulları, fərdi və kollektiv mühafizə vasitələrindən istifadə qaydaları, idarəetmə orqanlarının əhalinin mühafizəsi sahəsində rolu və zərərçəkmişlərə ilk tibbi yardımın göstərilməsinə dair fikirlər səsləndirilib.
Həmçinin tədbirdə mülki müdafiə qüvvə və vasitələrinin idarə olunması üzrə bacarıqlarının təkmilləşdirilməsi, habelə mülki müdafiə sahəsində vəzifələrin yerinə yetirilməsi mövzuları da diqqət mərkəzində olub.
