Məktəb müəllimi şagirdlərini gələcəyə ruhlandırmaq üçün süni intellektdən istifadə edib.
Gencexeber.az məlumat verir ki, Qazax rayon Cəfərli kənd tam orta məktəbinin Azərbaycan dili və ədəbiyyat müəllimi Orxan Əhmədov şagirdlərini ruhlandırmaq üçün innovativ yanaşmadan istifadə edib. O, süni intellekt texnologiyası vasitəsi ilə uşaqların gələcəkdə necə görünə biləcəklərini əks etdirən fotoşəkillərini yaradıb.
Müəllim bu görüntüləri şagirdlərə göstərib, onların reaksiyalarını videoya çəkib. Sözügedən görüntülər sosial şəbəkədə paylaşılıb.
“Orxan Əhmədovun fərqli metodla şagirdləri seçdikləri peşə üzrə həvəsləndirməyi onların yaddaşlarında daimi qalacaq. Bəlkə də biz görməyəcəyik, amma onlar xatırlayacaqlar”, - paylaşımda qeyd edilib.
