Gəncədə Azərbaycan Dövlət Aqrar Universitetinin akt zalında təlim keçirilib. Bu haqda 26 aprel tarixində ADAU-ya istinadən xəbər veririk.
Azərbaycan Respublikasının Minatəmizləmə Agentliyi (ANAMA) mütəxəssisləri 4500-dən artıq fermerə azad olunmuş ərazilərdəki dislokasiya nöqtələrində davranış qaydaları barədə təlim keçiblər. Təlimdə azad olunmuş ərazilərdəki dislokasiya nöqtələrində davranış qaydaları, partlamamış sursat və minaların müəyyən olunması, mina və partlayıcı qurğuların təhlükəsi, törədə biləcəyi xəsarətlər, tanış olmayan şübhəli ərazilərdə davranış qaydaları barədə geniş məlumat verilib.
Tədbir iştirakçılarına vizual tanımaq üçün müxtəlif növ hərbi sursat və minaları əhatə edən təlim sursatlarının nümunələri göstərilib. Təlimdə iştirak etmiş və müvafiq iltizamnaməni imzalamış fermerlər yaylaqlara köç prosesində iştirak edə biləcəklər.
