Gəncə şəhər başçısı “Masdar” şirkətinin nümayəndə heyəti ilə görüşüb. Bu haqda 12 iyul tarixində İcra Hakimiyyətinə istinadən xəbər veririk.
Görüşdə şirkətin “Tullantıdan enerjiyə” zavodunun direktoru Aidan Kennedi, layihə meneceri Nouf Uazir, “Azərbaycan İnvestisiya “Şirkəti” ASC-nin baş mütəxəssisləri Aysel Qəribzadə, Maksud Məmmədov, “Təmiz şəhər” ASC-nin layihə koordinatoru Nurlan Haşımov, 10 saylı Regional Ekologiya və Təbii Sərvətlər İdarəsinin rəisi Azər Quliyev, Gəncə Şəhər İcra Hakimiyyəti başçısı Aparatınının məsul əməkdaşları, Nizami və Kəpəz Bələdiyyəsinin sədrləri və Mənzil Kommunal Təsərrüfat İstehsalat Birliyinin rəisi iştirak ediblər.
Tədbirdə layihə ətrafında geniş müzakirələr aparılıb, qonaqları maraqlandıran suallar cavablandırılıb. Qeyd olunub ki, “Tullantılardan enerjiyə” layihəsi çərçivəsində Qərb bölgəsində eyniadlı zavodun tikilməsi planlaşdırılır. Zavodda 11 inzibati rayon və şəhərdən olan illik 300 min ton tullantının utilizasiyasının həyata keçirilməsi və ildə 108 min mV/saat enerjinin istehsal edilməsi nəzərdə tutulur.
