Gəncədə növbəti qəbul imtahanı keçirilib. Bu haqda 30 aprel tarixində Kəpəz televiziyasına istinadən məlumat veririk.
Dövlət İmtahan Mərkəzi tərəfindən ali təhsil müəssisələrinin magistraturalarına qəbul imtahanının 2-ci cəhdi təşkil olunub. Nizami yurdunda proses 6 binada baş tutub.
İmtahanı izləmək üçün 96 nəzarətçi müəllim və 15 imtahan rəhbəri cəlb olunub. Burada isə 1300-dən çox bakalavr iştirak edib. 3 saat 30 dəqiqə ərzində məntiq, informatika və xarici dildən ümumilikdə 95 sual təqdim olunub. Eyni zamanda prosesdə xarici dil üzrə dinləyib-anlama bacarıqları da yoxlanılıb. Yekun imtahan balı xarici dil fənni üzrə esse tapşırıqları yoxlanıldıqdan sonra - 6 həftə ərzində təqdim ediləcək.
Qeyd edək ki, imtahana 239 nəfər qatılıb.
