Gəncədə yol-nəqliyyat hadisəsi baş verib. Bu haqda Gencexeber.az-a 6 dekabr tarixində məlumat daxil olub.
Hadisə şəhərin Məmməd Xələfov küçəsindəki Abbas Səhhət adına 1 saylı xəstəxananın qarşısında qeydə alınıb. “VAZ-21015” markalı avtomobil “Opel” markalı nəqliyyat vasitəsinə çarpılıb.
Şahidlərin sözlərinə görə, ikinci maşının sürücüsü binaların arasındakı küçədən dərhal baş yola çıxıb və burada hərəkətdə olan “VAZ 21015”ə yol verməyib. Nəticədə avtomobillər toqquşub.
Qəza zamanı xəsarət alan olmayıb. Hadisə yerinə polis əməkdaşları cəlb ediliblər.
