Gəncə Dövlət Dram Teatrında tədbir baş tutub. Bu haqda 25 aprel tarixində Kəpəz televiziyasına istinadən xəbər veririk.
Teatr və kino aktyoru Məmməd Bürcəliyevin əziz xatirəsi yad edilib. “Gəncənin görkəmli incəsənət xadimi” adlı xatirə gecəsində Xalq artistinin özünəməxsus dəsti-xətti olan yaradıcılıq yolundan söz açılıb. Sənətkarın 110 illik yubileyində ömrünün 80 ilindən 65-nin mədəniyyətlə bağlı olduğu qeyd edilib. Çalışdığı 60 il ərzində Gəncə Dövlət Dram Teatrında bir çox obrazlar yaradıb.
“Bizim üçün nə xoş ki, Mamed dayı kimi insanı tanımışıq, nə yaxşı ki, var olub və var olacaqdır”, - deyə Xalq artisti Pərvanə Qurbanova qeyd edib. Məmməd Bürcəliyevin oğlunun sözlərinə görə, aktyorun əziz xatirəsi hər zaman yüksək tutularaq yüksək dəyərləndirilib.
