Gəncədə universitetlərin birində iclas baş tutub. Bu haqda 6 oktyabr tarixində GDU-ya istinadən xəbər veririk.
Gəncə Dövlət Universitetində yeni tədris ilinin ilk Elmi Şura iclası keçirilib. Tədbirin əvvəlində şəhidlərin xatirəsi bir dəqiqəlik sükutla yad edilib. Daha sonra yüksək fəallıq göstərdiklərinə və təhsilin inkişafındakı xidmətlərinə görə bir qrup müəllimə universitetin rektoru Yusif Yusibovun imzaladığı Fəxri Fərman və təşəkkürnamə, digərlərinə isə pul mükafatı təqdim olunub.
Universitetin rektoru gündəlikdə duran məsələləri səsləndirib. Daha sonra elmi şurada universitetin əməkdaşları Şahin Xurşudov, Fəxrəddin Həsənov və Vasif Həsənov məruzə ediblər.
İclasın sonunda Respublika bədii yaradıcılıq müsabiqə festivalında GDU tələbələrinin fəal iştirakına görə Elm və Təhsil naziri Emin Əmrullayev tərəfindən imzalanmış Diplomlar Musiqi fənləri kafedrasının müdiri Sevda Qurbanəliyevaya təqdim edilib.
