Gəncədə təhsilalanlar üçün "Yaşıl dünya naminə həmrəylik ili" çərçivəsində ekskursiya təşkil edilib. Bu haqda 3 may tarixində Bitki Mühafizə və Texniki Bitkilər ETİ-yə istinadən xəbər veririk.
Gəncə şəhər Fizika, riyaziyyat və informatika təmayüllü liseyin şagirdləri Bitki Mühafizə və Texniki Bitkilər Elmi-Tədqiqat İnstitutunda olublar. Onlara kənd təsərrüfatı və institutun fəaliyyəti haqqında geniş məlumat verilib. Daha sonra institutun iş şəraiti, laboratoriyalarla və yaradılmış maddi-texniki baza ilə yaxından tanış olublar.
Ekskursiyanın məqsədi məktəbliləri aqrar sahə ilə daha yaxından tanış etmək və aqrar biliklərini modernləşdirməkdir. Tədbir çərçivəsində mütəxəssislər tərəfindən institutun təcrübə sahəsində məktəblilərə meyvə bağlarının salınması, aqrotexniki qulluq, meyvə bitkilərinin xəstəlik və zərərvericiləri və digər mövzular ətraflı şəkildə izah olunub.
