Gəncədə məktəblilərin yerdəyişməsi başlayıb. Bu haqda 24 oktyabr tarixində Kəpəz televiziyasına istinadən məlumat veririk.
Orta məktəblərin 2-11-ci siniflərində təhsil alan şagirdlərin elektron yerdəyişməsinə start verilib. Prosesin onlayn şəkildə aparılmasında məqsəd şəffalığı təmin etməkdir.
Yerdəyişmə 1 saylı “ASAN” xidmət mərkəzində aparılır. Valideynlər burada təhsil xidmətləri pəncərəsinə yaxınlaşaraq, texniki dəstək ala bilirlər. Məktəb sorğunu cavablandıraraq şagirdi qəbul edir və bununla da proses başa çatır.
Şagirdlərin yerdəyişməsi 31 oktyabr tarixinədək davam edəcək. Bu proses məktəbəqədər hazırlıq qrupları və birinci siniflərə şamil olunmur.
