Gəncədə avtomobil qəzası baş verib. Bu haqda Gencexeber.az-a 24 oktyabr tarixində məlumat daxil olub.
Hadisə şəhərin Eminbəyli küçəsi ilə Nizami Gəncəvi prospektinin kəsişməsində qeydə alınıb. 41 nömrəli tam orta məktəbin qarşısında "Chevrolet” və "VAZ-21015" markalı avtomobillər toqquşub.
Nəticədə sonuncunun sürücüsü xəsarət alıb.
Əraziyə polis əməkdaşları və evakuatorlar cəlb edilib.
İlkin ehtimala görə, qəzaya avtomobillərin işıqforun işarəsinə düzgün əməl etməmələri səbəb olub.
