Gəncədə qəsəbə sakinləri qaz təchizatı ilə bağlı çətinlik yaşayırlar. Bu haqda 20 iyun tarixində Kəpəz televiziyasına istinadən məlumat veririk.
Söhbət şəhərin Məhsəti qəsəbəsindən gedir. Neftbaza yolu kimi tanınan ərazidə yolun bir hissəsi bələdiyyə, digəri isə dövlət torpağı olan qəsəbədə qazlaşma ilə bağlı haçalanan işlər sakinlərin narazılığına səbəb olur. Bildirilir ki, səkkiz küçədə qaz xətti çəkilməyib.
Sakinlərin sözlərinə görə, onlar dəfələrlə aidiyyəti qurumlara müraciət ediblər. Lakin heç bir nəticə əldə olunmayıb.
“Azəriqaz”dan bildirilib ki, əhali "mavi yanacaq"la təmin olunacaq.
