Gəncədə növbəti dəyirmi masa keçirilib. Bu haqda 14 oktyabr tarixində Regional Turizm İdarəsinə istinadən məlumat veririk.
İcra Hakimiyyətinin və Gəncə-Daşkəsən Regional Mədəniyyət İdarəsinin birgə təşkilatçılığı ilə “Mədəniyyət və Yaradıcılıq Sənayelərinin dəstəklənməsi” mövzusunda tədbir baş tutub. Burada Gəncə Regional Turizm İdarəsinin əməkdaşları, idarə, müəssisə və təşkilat nümayəndələri, o cümlədən incəsənət və yaradıcılıq sənayesinin nümayəndələri iştirak ediblər.
Tədbirin məqsədi qərb regionunda fəaliyyət göstərən sənətkarlara dəstək məqsədi ilə kreativ sənayenin inkişafına təkan vermək üçün təklif və tövsiyələrin yığılması, sənətkarların mövcud problemləri üzərində müzakirələrin aparılması və inkişaf yolunda real istiqamətlərin verilməsi olub.
