Gəncədə silsilə tədbirlər təşkil olunacaq. Bu haqda 5 dekabr tarixində Regional Mədəniyyət İdarəsinə istinadən məlumat veririk.
Mədəniyyət Nazirliyinin təşkilatçılığı ilə bu ilin noyabr-dekabr aylarında ölkənin bir sıra şəhər və rayonlarında "Yaradıcı müzakirələr” adlı silsilə tədbirlər (təlim, ustad dərsi, mədəniyyət və yaradıcı sənayelərin tanınmış simaları ilə görüşlər və s.) keçiriləcək.
Nizami yurdunda görüşlər 7-8 dekabr tarixlərində baş tutacaq. Təlimlər Gəncə Dövlət Filarmoniyasının kiçik zalında təşkil olunacaq. Onların cədvəli aşağıdakı kimidir:
7 dekabr:
- 15:00 - “Qələmlər və piksellər: Rəsm və Rəqəmsal İncəsənət”;
- 16:00 - “Yaradıcı Kinematoqrafiya: Ssenaridən ekrana”;
- 17:00 - “Yaradıcı Sənaye: Virtual oyun biznesi”;
8 dekabr:
- 10:00 - “Pulun harmoniyaları: Gəlir gətirən musiqi”;
- 11:00 - “Kulinariya və biznes”;
- 12:00 - “Mənfəət üçün canlandırma: Animasiya sənəti və ticarəti”;
- 14:00 - “Bədii şüşə sənəti və biznesi”;
- 15:00 - “Mənfəətin fırça vuruşları: Təsviri sənət biznesi”;
- 16:00 - “Baxışda uğur: Fotoqrafiya sənayesində qazanc”;
- 17:00 - “Sözlərlə gəlir: Ədəbiyyatda biznes baxışı”.
İştirak etmək istəyən şəxslər (055) 250 93 39 nömrəsinə WhatsApp-da ad, soyad, ata adı və iştirak edəcəyi təlimin adını yazmalı və
https://talks.creative.az/ linki vasitəsilə qeydiyyatdan keçməlidirlər.
