Gəncədə sahibkarlar üçün maarifləndirici tədbir keçirilib. Bu haqda 6 oktyabr tarixində KOBİM-ə istinadən məlumat veririk.
KOBİM tərəfindən "Şirkətlərin fəaliyyətində müqavilənin əhəmiyyəti" mövzusunda iki təlim təşkil olunub. Burada ümumilikdə 26 nəfər iştirak edib. Təlimdə KOBİM-in eksperti tərəfindən müqavilə anlayışı, onun növləri və mahiyyəti, müqavilələrin dəyişdirilməsi və ləğvi barədə ətraflı məlumat verilib.
Bundan başqa, müqavilənin şərtləri, müqavilə bağlanan zaman yarana biləcək risklərin minimuma endirilməsi yolları haqda danışılıb.
Sonda iştirakçıların mövzu ilə bağlı sualları cavablandırılıb.
