Gəncədə KOBİM iki mövzuda təlim keçirib. Bu haqda 16 oktyabr tarixində mərkəzə istinadən xəbər veririk.
“Ünsiyyət bacarıqları" və "İş mühitində konfliktlərin idarə edilməsi" mövzularında təlimlər təşkil olunub. Tədbirdə konfliktlərin idarə edilməsi, mahiyyəti və modelləri, tərəflərin ortaq məxrəci, münaqişənin mənfi və müsbət nəticələri ilə bağlı müzakirələr aparılıb. Həmçinin burada qurumun eksperti tərəfindən iş yerində doğru ünsiyyətin qurulması, effektiv danışıqlar üçün ünsiyyətqurma bacarıqları, bədən dili, jest və mimikalardan istifadə, geyim və aksesuar seçimi, işgüzar yazışma qaydaları barədə ətraflı məlumat verilib.
Burada 13 nəfər iştirak edib. Sonda onların mövzu ilə bağlı sualları cavablandırılıb.
