Gəncədə maarifləndirici təlim keçirilib. Bu haqda 6 iyul tarixində Gəncə KOBİM-ə istinadən məlumat veririk.
Təlim Gəncə KOB İnkişaf Mərkəzi (KOBİM) tərəfindən "Aqrar sığorta" mövzusunda təşkil olunub. Burada KOBİM-in eksperti tərəfindən aqrar sığorta mexanizmi, onun iş prinsipi və inkişaf perspektivləri, bu sahədə işin səmərəli təşkili ilə bağlı məlumat verilib. Tədbirdə 13 nəfər iştirak edib.
Onlara, həmçinin sığorta məbləğinin müəyyən edilməsi, sığorta predmeti və müqavilənin bağlanması, eləcə də sığorta hadisəsi zamanı tələb olunan sənədlər barədə ətraflı məlumat verilib. Sonda iştirakçıların mövzu ilə bağlı sualları cavablandırılıb.
