Gəncədə tibb sahəsində konfrans keçirilir. Bu haqda 28 oktyabr tarixində Azərtac-a istinadən xəbər veririk.
“II Beynəlxalq Qastroenteroloji və Cərrahiyyə Günləri” adlı konfrans start götürüb. Tədbirdə Şəhər Birləşmiş Xəstəxanasının direktoru İlkin İsmayılov və Türkiyənin Gəncədəki baş konsulu Rəcəp Öztop çıxış ediblər.
Direktor tədbirdə çıxış edərək bildirib ki, konfransda tibb elmində baş verən yeniliklər, laparoskopik əməliyyatlar və müalicələr haqqında ətraflı məlumat veriləcək. Həmçinin mədə-bağırsaq xəstəliklərinin müayinə və müalicəsində tətbiq olunan yeniliklər və son tədqiqatlar barədə təqdimatlar yer alacaq.
Rəcəp Öztop isə çıxışında ölkələrimizin qardaşlığının bütün sahələrdə olduğu kimi, tibb sahəsində də uğurla inkişaf etdiyini deyib. İki gün davam edəcək konfransda mütəxəssislər və Türkiyədən dəvət olunan professor heyəti çıxış edəcəklər.
Tədbir Tibbi Ərazi Bölmələrini İdarəetmə Birliyinin dəstəyi ilə təşkil olunur.
