Gəncədə növbəti təlim təşkil olunub. Bu haqda 24 oktyabr tarixində İcra Hakimiyyətinə istinadən məlumat veririk.
“Çətin həyat şəraitinə düşmə risqi olan ailələrdə böyüyən uşaqlarla aparılan işin təkmilləşdirilməsi” və “Himayədar ailə institutunun inkişafına hədəflənən tədbirlərin həyata keçirilməsi” adlı təlim İcra Hakimiyyətinin, Sosial Xidmətlər Agentliyinin Gəncə-Daşkəsən regional filialının və Gəncə-Daşkəsən Regional Təhsil İdarəsinin birgə təşkilatçılığı ilə baş tutub.
Tədbir 10 nömrəli tam orta məktəbdə keçirilib. Burada İcra Hakimiyyəti başçısı Aparatının, Sosial Xidmətlər Agentliyinin Gəncə-Daşkəsən regional filialının və Regional Təhsil İdarəsinin əməkdaşları iştirak ediblər. Təlimdə sosial xidmət sahəsində həyata keçirilən tədbirlərin effektivliyinin artırılması məqsədilə aidiyyəti qurumların əlaqəli işləməsinin vacib məsələlərdən olduğu vurğulanıb.
Daha sonra mövzular ətrafında çıxışlar dinlənilib və müzakirələr aparılıb.
