Bu gün şəhidlərimiz Şuriyə Krivoquzov və Yaşar Əliyevin doğum günüdür.
Şuriyə Hamlet oğlu Krivoquzov 7 iyun 1964-cü ildə Gəncədə anadan olub. 77 saylı texniki-peşə məktəbini bitirdikdən sonra Gəncə şəhəri Büllur zavodunda əmək fəaliyyətinə başlayıb. Daha sonra Maşınqayırma zavodunda çalışıb. 1982-1984-cü illərdə həqiqi hərbi xidmətdən qayıtdıqdan sonra həmin zavodda əmək fəaliyyətini davam etdirib.
O, 18 mart 1992-ci ildə Kəpəz Rayon Hərbi Komissarlığı tərəfindən səfərbərliyə alınıb. 2-ci Gəncə taborunda qumbaraatan vəzifəsində ermənilərə qarşı vuruşub. Şuriyə Hamlet oğlu Krivoquzov 20 iyun 1992-ci ildə Goranboy rayonunun Gülüstan kəndi uğrunda gedən qızğın döyüşdə şəhidlik zirvəsinə ucalıb.
Yaşar Məhəmməd oğlu Əliyev 7 iyun 1975-ci ildə Gəncədə anadan olub. 27 saylı texniki peşə məktəbini bitirıb. Alüminium zavodunda işləyib. O, həqiqi hərbi xidmətini Rusiyada keçirib.
I Qarabağ müharibəsi zamanı Yaşar könüllü olaraq cəbhəyə yollanıb. Gəncə batalyonunun tərkibində vuruşub.
Yaşar Məhəmməd oğlu Əliyev 1 fevral 1992-ci ildə qəfil atılan güllə ilə şəhidlik zirvəsinə ucalıb.
