Bu gün şəhid Rəhman Dünyamalıyevin doğum günüdür.
Rəhman Sayad oğlu Dünyamalıyev 20 oktyabr 1964-cü ildə Gəncədə anadan olub. 42 saylı orta məktəbi bitirib. 1982-1984-cü illərdə Rusiyanın Sverdlovsk vilayətində hərbi xidmətdə olub. Dəmiryol fəhlə təchizatı şöbəsində işləyib.
21 dekbar 1991-ci ildə Rəhman Kəpəz Rayon Hərbi Komissarlığı tərəfindən ordu sıralarına çağırılıb. O, Əsgəran rayonunda vuruşub. Naxçıvanik kəndi uğrunda gedən döyüşlərin birində ağır yaralanıb. Rəhman Sayad oğlu Dünyamalıyev 10 gün düşmən əlində əsir qalıb və öldürülüb.
Şəhidimiz 3 fevral 1992-ci ildə Gəncə şəhər Şəhidlər xiyabanında dəfn olunub.
Onun vəfatının 40-cı günündə atası Sayad Dünyamalıyev də vəfat edib.
