Bu gün şəhid Rəşad Şəfiyevin doğum günüdür.
Rəşad Vaqif oğlu Şəfiyev 13 oktyabr 1991-ci ildə Gəncədə anadan olub. 8 nömrəli orta məktəbi bitirib.
2010-cu ildə hərbi xidmətə çağırılıb. 2019-cu ildən Fövqəladə Hallar Nazirliyinin hərbi hissəsində xidmətə başlayıb. 2020-ci ildə Gəncənin raket atəşinə tutulması zamanı axtarış-xilasetmə çalışmalarında fəal iştirak edib. Bərdənin raket atəşinə tutulmasından sonra oradakı axtarış-xilasetmə işlərinə də qatılıb.
Rəşad Vaqif oğlu Şəfiyev 28 oktyabr 2020-ci ildə Bərdənin növbəti dəfə raket atəşinə tutulması nəticəsində şəhidlik zirvəsinə ucalıb. Şəhidimiz 29 oktyabr 2020-ci ildə Gəncə şəhərinin Şəhidlər xiyabanında dəfn olunub.
O, ölümündən sonra Prezident tərəfindən “Vətən uğrunda” medalı ilə təltif edilib.
