Bu gün şəhid Nadir Abbasquliyevin doğum günüdür.
Nadir Elçin oğlu Abbasquliyev 6 dekabr 1995-ci ildə Gəncədə anadan olub. Birinci sinfə 16 nömrəli tam orta məktəbdə gedib. 2012-ci ildə təhsilini 38 nömrəli tam orta məktəbdə başa vurub. 2007-ci ildən boksla məşğul olub. Şəhərdaxili yarışlarda iştirak edib.
2014-cü ildə həqiqi hərbi xidmətə çağırılıb. Qayıtdıqdan sonra Heydər Əliyev Park-kompleksində mühafizə xidmətində çalışıb.
27 sentyabr 2020-ci il tarixində işğal altında olan torpaqlarımızın azadlığı uğrunda vuruşub.
Nadir Elçin oğlu Abbasquliyev 8 noyabr 2020-ci ildə Şuşa - Xankəndi istiqamətində gedən döyüşlərdə şəhidlik zirvəsinə ucalıb. Şəhidimiz 17 noyabr tarixində Gəncə şəhərinin Şəhidlər xiyabanında dəfn olunub.
O, ölümündən sonra Prezident tərəfindən “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif edilib.
