Bu gün şəhid Maşallah Məmmədovun doğum günüdür.
Maşallah Abbasəli oğlu Məmmədov 5 dekabr 1974-cü ildə Gəncədə anadan olub. 27 saylı orta məktəbi bitirib. 20 yanvar 1993-cü ildə Nizami Rayon Hərbi Komissarlığı tərəfindən həqiqi hərbi xidmətə çağırılıb. O, 30-a yaxın döyüşdə iştirak edib.
Maşallah Abbasəli oğlu Məmmədov 28 yanvar 1994-cü ildə Füzuli rayonunun Qaraxanbəyli kəndi uğrunda gedən döyüşdə şəhidlik zirvəsinə ucalıb. O, təhsil aldığı 27 saylı orta məktəbin ilk şəhididir.
4 fevral 1994-cü ildə Gəncə şəhər Şəhidlər xiyabanında dəfn olunub.
Şəhidimiz ölümündən sonra Prezident tərəfindən “Azərbaycan Bayrağı” ordeni ilə təltif edilib.
