Bu gün şəhid Məhəmməd Məmmədovun doğum günüdür.
Məhəmməd Müzəffər oğlu Məmmədov 14 oktyabr 1975-ci ildə Gəncədə anadan olub. 38 saylı texniki-peşə məktəbində dülgərlik sənətinə yiyələnib. Emalatxanalarda dülgər işləyib.
O, 1993-cü ildə həqiqi hərbi xidmətə çağırılıb. Goranboy rayonunun Gülüstan kəndində və Ağdam istiqamətində gedən döyüşlərdə iştirak edib.
Məhəmməd Müzəffər oğlu Məmmədov 24 iyul 1993-cü ildə Ağdam ərazisində gedən döyüşlərdə şəhidlik zirvəsinə ucalıb.
Şəhidimiz Gəncə Şəhidlər xiyabanında dəfn olunub.
