Bu gün şəhid Şöhrət Əliyevin doğum günüdür.
Şöhrət Canpolad oğlu Əliyev 30 oktyabr 1999-cu ildə Gəncədə anadan olub. 15 nömrəli tam orta məktəbi bitirib. O, 2018-ci ildə həqiqi hərbi xidmətə çağırılıb.
İşğal altında olan torpaqlarımızın azadlığı uğrunda vuruşub. Füzuli və Cəbrayıl rayonları, Şuşa və Xankəndi istiqamətlərində gedən döyüşlərdə iştirak edib.
Şöhrət Canpolad oğlu Əliyev 8 noyabr 2020-ci ildə Xankəndi istiqamətində gedən döyüşlərdə şəhidlik zirvəsinə ucalıb.
Şəhidimiz 17 noyabr tarixində Gəncə Şəhidlər xiyabanında dəfn olunub.
O, ölümündən sonra Prezident tərəfindən “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif edilib.
