Bu gün şəhid Həsən Lətifov və Sahib Həsənovun doğum günüdür.
Həsən Nürəddin oğlu Lətifov 19 oktyabr 1954-cü ildə Gəncədə anadan olub. Xalça kombinatının əyiricilik sexində işləyib. Rusiyada hərbi xidmətdə olub.
I Qarabağ müharibəsi zamanı Kəpəz Rayon Hərbi Komissarlığı tərəfindən səfərbərliyə alınıb. Çıldıran kəndi uğrunda döyüşüb.
Həsən Nürəddin oğlu 23 sentyabr 1992-ci ildə Ağdam ətrafında gedən döyüşlərdə şəhidlik zirvəsinə ucalıb. Şəhidimiz Gəncə Şəhidlər xiyabanında dəfn olunub.
Sahib Azər oğlu Həsənov 19 oktyabr 1999-cu ildə Gəncədə anadan olub. 7 nömrəli tam orta məktəbi bitirib. 2017-ci ildə hərbi xidmətə çağırılıb. 2019-cu ildən MAHHX HQ kimi xidmətə davam edib.
27 sentyabr 2020-ci il tarixində Murovdağ zirvəsi və Kəlbəcər rayonu uğrunda gedən döyüşlərdə iştirak edib.
Sahib Azər oğlu Həsənov 17 oktyabr 2020-ci ildə Kəlbəcər rayonu istiqamətində gedən döyüşlərdə şəhidlik zirvəsinə ucalıb. Şəhidimiz növbəti gün Gəncə şəhəri Şəhidlər xiyabanında dəfn olunub.
O, Prezident tərəfindən ölümündən sonra “Vətən uğrunda”, “Kəlbəcərin azad olunmasına görə” və “Hərbi xidmətlərə görə” medalları ilə təltif edilib.
