Bu gün şəhid Amil Məhərrəmovun doğum günüdür.
Amil Əli oğlu Məhərrəmov 31 oktyabr 1965-ci ildə Goranboy rayonunda anadan olub. Goranboyda orta məktəbi bitirib. O, 1983-1985-ci illərdə Belarusiya Respublikasında həqiqi hərbi xidmətdə olub. Geri döndükdən sonra Gəncəyə gəlib, “Taxıl məhsulları” kombinatında işləyib.
Vaxtaşırı cəbhəyə yollanaraq döyüşçülərə ərzaq, paltarlar aparıb. 12 aprel 1994-cü ildə Kəpəz rayon Hərbi Komissarlığı tərəfindən səfərbərliyə alınıb. O, Çıldıran və Tərtər istiqamətlərində gedən döyüşlərdə iştirak edib.
Amil Əli oğlu Məhərrəmov 2 iyul 1994-cü ildə Tərtər rayonunun Cəmilli kəndi uğrunda gedən döyüşlərdə şəhidlik zirvəsinə ucalıb.
