Gəncədə təlim keçmiş gənclər təltif ediliblər. Bu haqda 25 oktyabr tarixində Gənclər Evinə istinadən xəbər veririk.
"Heykəltaraşlıq" adlı təlimin mükafatlandırma mərasimi keçirilib. Burada iştirak edən 23 nəfərə Gənclər Evi tərəfindən “Təşəkkürnamə” təqdim edilib. Tədbir mərkəzin rəssamı Xanım Əhmədova tərəfindən təşkil olunub.
Mükafatlandırma mərasimində Regional Gənclər və İdman İdarəsinin rəisi İntiqam Hüseynov da iştirak edib.
“Gənclərimizə hər zaman dəstəyik və inanırıq ki, bu əsərlərin müəllifləri gələcəkdə tanınmış sənətkarlar olacaqlar”,- deyə o bildirib.
Qeyd edək ki, dərslərə qoşulmaq istəyən gənclər (055) 307 85 39 nömrəsi ilə əlaqə saxlaya bilərlər.
