Gəncədə yolların birində sürücülər üçün maneə yaranıb. Bu haqda Gencexeber.az-a 24 noyabr tarixində məlumat daxil olub.
Bu hal Heydər Əliyev prospektindəki “Asan xidmət”in qarşısında müşahidə olunur. Adıçəkilən ərazidə avtomobil yolunun bir hissəsi qazılıb.
Asfalt örtüyündəki vəziyyət avtomobillərin hərəkətinə maneə yaradır.
Sakinlərin sözlərinə görə, qazıntı həmin yoldan keçən avtomobillərə ziyan vurur. Onlar, həmçinin əlavə ediblər ki, bu hal yolda tıxacın yaranmasına da səbəb olur.
