Gəncədə seminar keçirilib. Bu haqda 3 noyabr tarixində İcra Hakimiyyətinə istinadən xəbər veririk.
“Heydər Əliyev Azərbaycan multikulturalizminin siyasi banisidir” mövzusunda seminar baş tutub. Tədbir İcra Hakimiyyətinin və Bakı Beynəlxalq Multikulturalizm Mərkəzinin birgə təşkilatçılığı ilə Heydər Əliyev Mərkəzində keçirilib.
Seminarın əvvəlində Heydər Əliyevin və şəhidlərimizin ruhu bir dəqiqəlik sükutla yad olunub. Daha sonra “Heydər Əliyev və multikulturalizm” sənədli filmi nümayiş etdirilib və liderin multikulturalizmin inkişafındakı rolundan bəhs edilib. Burada, həmçinin iştirakçıların fikirləri dinlənilib və sualları cavablandırılıb.
Tədbirdə İcra Hakimiyyəti başçısı aparatının şəhərin mədəni irsinin qorunması şöbəsinin müdiri Yadigar Bədəlov, Dini Qurumlarla İş üzrə Dövlət Komitəsinin Gəncə Bölgəsi üzrə şöbəsinin müdiri Həsən Məmmədov, Bakı Beynəlxalq Multikulturalizm Mərkəzinin analitika şöbəsinin müdiri Rəşad İlyasov, Azərbaycan Texniki Universitetinin professoru Əyyub Kərimov, Qərb bölgəsində fəaliyyət göstərən dini konfessiyaların rəhbərləri və ictimaiyyət nümayəndələri iştirak ediblər.
