Gəncədə pedaqoqlar işə cəlb olunublar. Bu haqda 5 dekabr tarixində Kəpəz televiziyasına istinadən xəbər veririk.
İbtidai sinif müəllimlərinin iki mərhələdə sertifikasiya imtahanı keçirilib. Prosesdə ümumilikdə 1568 pedaqoq iştirak edib. Birinci mərhələdə 794 nəfər uğursuz nəticə göstərib. İkinci imtahanda isə 321 nəfər keçid balını toplaya bilməyib.
Regional Təhsil İdarəsi tərəfindən sertifikasiyadan keçə bilməyən 36 müəllim oktyabrdan müvafiq işlərə qəbul olunub. Sertifikasiya prosesini uğurla tamamlayan müəllimlərin maaşında artım olub. İmtahanda 51-60 bal toplamış müəllimlərin vəzifə maaşına 35 faiz, 30-50 bal toplamış müəllimlərin vəzifə maaşına isə 10 faiz əlavə edilib.
Regional Təhsil İdarəsinin sektor müdiri bildirib ki, vakant iş yerlərinə həssas qrupdan olanların (sosial-pedaqoqlar) qəbul prosesi davam etdirilir.
