Gəncənin küçə və prospektlərində təmizlik aksiyaları davam edir. Bu haqda 1 noyabr tarixində MKTİB-yə istinadən xəbər veririk.
Şəhərin müxtəlif ərazilərində abadlıq-quruculuq işləri aparılır. Heydər Əliyev prospektində təhlükə yaradan ağacların bəzi budaqları kəsilib. Hava Limanı və Bakı şəhəri istiqamətlərindəki yolların kənarındakı haşiyələrin dağılıb tökülən plitələri yenilənib. Həmçinin şəhər parklarındakı mövcud yaşıllıqlara aqrotexniki qulluq göstərilib və suvarılıb.
Təmizlik aksiyası çərçivəsində mərkəzdə yerləşən fəvvarələr təmizlənib. Bir neçə küçədə işıq dirəkləri və dayanacaqlar yuyulub. Dirəklərdə nasazlıqlar aradan qaldırılıb. Konteynerlər və zibil qabları gün ərzində boşaldılaraq daşınıb.
Qeyd edək ki, abadlıq-quruculuq işləri Zəfər və Dövlət Bayrağı günləri münasibəti ilə Mənzil Kommunal Təsərrüfatı İstehsalat Birliyinin canlı qüvvə və texnikası vasitəsilə həyata keçirilir.
[modula id="49036"]
