Gəncədə yolayrıcında avtomobillər üçün yaranan maneə aradan qaldırılıb. Bu haqda Gencexeber.az-a 6 oktyabr tarixində məlumat daxil olub.
Söhbət Qara Qarayev, Ozan, Təbriz və Mirzə Abbas Abbaszadə küçələrinin kəsişməsindən gedir. Bir neçə gün öncə adıçəkilən ərazidə kommunal qəza baş vermişdi. Burada qazıntı işləri aparıldıqdan sonra sahənin üstünün örtülməməsi barədə xəbər vermişdik.
Əraziyə texnika və canlı qüvvə cəlb olunub. Küçənin həmin hissəsi təmir olunub və maneə götürülüb.
