Gəncədə avtomobil qəzası baş verib. Bu haqda Gencexeber.az-a 23 oktyabr tarixində məlumat daxil olub.
Hadisə şəhərin Şah İsmayıl Xətai prospektində qeydə alınıb. “Kral petrol” yanacaqdoldurma məntəqəsinin yaxınlığında “Chevrolet” markalı avtomobil yolu keçmək istəyən orta yaşlı piyadanı vurub. Nəticədə şəhər sakini Siyavuş Niyazov aldığı ağır xəsarətlərdən yerindəcə dünyasını dəyişib.
Əraziyə təcili tibbi yardım briqadası cəlb olunub. Həkimlər kişinin vəfatını təsdiqləyiblər.
Hadisə yerinə polis əməkdaşları da gəliblər. Faktla bağlı araşdırma aparılır.
