Gəncədə bir sıra küçələrdə lüklər və çuxurlar avtomobil və piyadalar üçün çətinlik yaradır. Bu haqda Gencexeber.az-a 24 oktyabr tarixində məlumat daxil olub.
Söhbət Müseyib Bağırov, Hakim Cəfərov, Ələkbər bəy Rəfibəyli küçələri, Üzeyir Hacıbəyli küçəsi, döngə 2, İsrafil Məmmədov küçəsi ilə Atatürk prospektinin, 20 Yanvar və Bəxtiyar Əliyev küçələrinin kəsişmələri və 4-cü mikrorayon ərazisində 24 saylı məktəbin qarşısından gedir. Adıçəkilən ərazilərdəki lüklərın cari vəziyyəti avtomobillər və piyadalar üçün təhlükə yaradır.
Müseyib Bağırov, 4-cü mikrorayon 24 saylı məktəbin qarşısı, Hakim Cəfərov, 20 Yanvar ilə Bəxtiyar Əliyev küçələrinin kəsişməsi və Ələkbər bəy Rəfibəyli küçəsində quyular qapaqsızdır. Bəzilərinin içərisinə sakinlər xəbərdarlıq üçün dəmir parçaları və ağac budaqları yerləşdiriblər.
Üzeyir Hacıbəyli küçəsi, döngə 2 və Müseyib Bağırov küçəsində quyular yol səthindən aşağıda yerləşir. Bu səbəbdən orada çökəklik əmələ gəlib. Sakinlər xəbərdarlıq üçün onlardan birinin içərisinə təkər qoyublar.
Bundan başqa, İsrafil Məmmədov küçəsi ilə Atatürk prospektinin kəsişməsində yolda böyük quyu əmələ gəlib.
[modula id="48570"]
