Gəncədə bir sıra küçələrdə lüklər və çuxurlar təhlükə yaradır. Bu haqda Gencexeber.az-a 10 oktyabr tarixində məlumat daxil olub.
Bu hal İsmət Qayıbov, Heydər Əliyev, Səməd Vurğun, Nizami, Azərbaycan, Gəncə, Bağbanlar küçələri, Eminbəyli və Xosrov bəy Sultanov küçələrinin kəsişməsində müşahidə olunur. Adıçəkilən ərazilərdə təmirə ehtiyacı olan lüklər həm piyada, həm də avtomobil yollarında yerləşir.
Səməd Vurğun küçəsində yolda çuxur yaranıb, sakinlər xəbərdarlıq üçün üzərinə təkər qoyublar. Azərbaycan küçəsində quyunun içinə budaq yerləşdirilib. Nizami, Gəncə küçələri və Eminbəyli ilə Xosrov bəy Sultanov küçələrinin kəsişməsində yolda çuxurlar əmələ gəlib.
Bundan başqa, İsmət Qayıbov, Bağbanlar küçələri və Heydər Əliyev prospektində lüklər yol səthindən aşağıda, bəziləri isə yuxarıda yerləşir.
[modula id="47691"]
