Gəncədə qaz təchizatı dayandırılacaq. Bu haqda 25 oktyabr tarixində Azəriqaz-a istinadən məlumat veririk.
“Azəriqaz” İB bildirir ki, şəhərin bir hissəsində mavi yanacaq təminatında fasilə yaranacaq. Söhbət “Gəncə Körpü Tikinti-2”, “Bağmanlar” Qaz Paylayıcı Stansiyaları və “Bayan” Qaz Tənzimləyici Məntəqədən gedir. Bu gün, 25 oktyabr saat 10:00-dan etibarən həmin ərazilərdə qaz təchizatı dayandırılacaq.
Buna səbəb “Daşkəsən-Xoşbulaq” magistral qaz kəməri qolunun 0-cı km-də kranın demontaj olunaraq, əvəzinə yenisinin quraşdırılmasıdır. İşlər tamamlandıqdan sonra sakinlər qazla təmin olunacaqlar.
