Gəncədə bu həftə keçiriləcək idman tədbirlərinin cədvəli açıqlanıb. Bu haqda 10 oktyabr tarixində Gənclər və İdman Nazirliyinə istinadən məlumat veririk.
Gənclər və İdman Nazirliyi həftəlik idman afişasını paylaşıb. 9-15 oktyabr tarixlərində Nizami yurdunda aşağıdakı yarışlar təşkil olunacaq:
- 2009-2012-ci il təvəllüdlü oğlanlar arasında basketbol üzrə şəhər birinciliyi - 9-13 oktyabr saat 15:00-da Gəncə Olimpiya İdman Kompleksi;
- SSRİ idman ustası və əməkdar məşqçi İsax Cəfərovun xatirəsinə həsr olunmuş 35-ci ənənəvi sərbəst güləş üzrə respublika turniri - 15 oktyabr saat 10:00-da Gəncə Olimpiya İdman Kompleksi.
