Xəbər verdiyimiz kimi, Gəncə şəhərinin mərkəzi küçələrindən biri olan Əkbər Babayev küçəsində uzun müddətdir zibil problemi yaşanıb.
Gencexeber.az-a Mənzil Kommunal Təsərrüfatı İstehsalat Birliyi (MKTİB) tərəfindən verilən məlumata görə, yaranmış acınacaqlı vəziyyət sakinlərin məsuliyyətsiz davranışı nəticəsində ortaya çıxıb. Bildirilib ki, qurumun müvafiq şöbələri tərəfindən ərazidə təmizlik işləri aparılıb, adıçəkilən küçədə yığılan məişət və digər tullantıların daşınması təmin edilib.
Şəhər MKTİB bildirir ki, Əkbər Babayev küçəsinin sakinləri gündəlik məişət tullantılarını yaşadıqları ünvanda hara gəldi yox, Atatürk prospektində və İsmət Qayıbov küçəsində, təxminən sözügedən ərazidən 50-100 metr məsafədə qoyulmuş konteynerlərə atsınlar.
Bundan başqa, vətəndaşlardan məişət tullantıları üçün göstərilən xidmətə görə aylıq ödənişlərin vaxtında ödənilməsi xahiş olunub.
