Gəncədə avtomobil yolunda iri dəlik yaranıb.
Gencexeber.az məlumat verir ki, Gəncə şəhərinin Məmmədtağı Cəfərov küçəsində yolun hərəkət hissəsi qəzalı vəziyyətə düşüb. Sakinlərin sözlərinə görə, küçənin mərkəzi hissəsində iri dəlik əmələ gəlib və son günlərdə daha da genişlənməkdə davam edir.
Avtomobil axınının intensiv olduğu küçədə bu vəziyyət sürücülər üçün ciddi təhlükə yaradır. Yolun ortasında yaranan dərin çuxur nəqliyyat vasitələrinin hərəkətini məhdudlaşdırır.
Sakinlər bildirirlər ki, dəliyin vaxtında təmir olunmaması həm nəqliyyatın normal hərəkətinə mane olur, həm də qəza riskini artırır. Onlar aidiyyəti qurumlardan lazımi tədbirlərin görülməsini arzu edirlər.
