Gəncə şəhərinin Yeni Gəncə yaşayış massivində yerləşən 28 May küçəsində yol infrastrukturunda problem yaranıb.
Gencexeber.az-ın məlumatına görə, Gəncə Olimpiya Kompleksinin arxasındakı yol bir müddət əvvəl asfaltlanıb və üzərinə hərəkət xətləri çəkilib. Lakin qısa müddət sonra kommunal xidmətlərin əməkdaşları həmin hissədə qazıntı işləri aparıblar.
Nəticədə yolun hərəkət zolağında eni təxminən iki metrə çatan iri çala əmələ gəlib. Bu isə nəqliyyat vasitələrinin hərəkətini çətinləşdirir və qəza riski yaradır.
Sakinlər məsələ ilə bağlı aidiyyəti qurumların tədbir görməsini tələb edirlər.
