Son günlər yay mövsümünün isti və quraq keçməsi nəzərə alınaraq, Gəncə şəhərində mövcud yaşıllıqların vaxtı-vaxtında suvarılması nəzarətdə saxlanılır.
Bu barədə Gencexeber.az-a Mənzil Kommunal Təsərrüfatı İstehsalat Birliyi tərəfindən məlumat verilib.
Bildirilib ki, qurumun su çiləyici maşınları vasitəsilə genişmiqyaslı suvarma işləri gündəlik davam etdirilir. Ümumilikdə şəhərin prospektlərində, küçələrində, yol kənarlarında, park və istirahət mərkəzlərində, xiyabanlarda mövcud və yeni salınan yaşıllıqlara lazımi aqrotexniki qulluq göstərilir, mövsüm nəzərə alınaraq suvarma işləri gücləndirilmiş qaydada aparılır. Şəhərin hava limanı yoluna da birliyin yetəri sayda su çiləyici maşınları cəlb edilib.
Qeyd edilib ki, bu istiqamətdə görülən işlər anomal istilərin ağaclara, kollara, güllərə və qazona vura biləcək təsirləri minumuma endirmək məqsədi daşıyır.
